Partiendo de la noticia de que, d’equí nalantre, nel Reinu d’España pa trabayar en puestos nos que se vaya tener relación con neños va haber que presentar certificáu negativu de nun tener antecedentes de delitos tocantes al abusu de la infancia, l’Anhedónicu Miserable comenta la paradoxa ente una constitución que diz que les penes tienen finalidá reinsertora y la consideración de que les persones que cometieron una vez un delitu van ser susceptible de cometelu otra vez mientres tola vida, independientemente de que ya tengan cumplío una pena por ello.
Lo anterior pue ser preocupante sobre too polo qu’implica de pasín más na consideración de la inmutabilidá del comportamientu humanu, la preeminencia absoluta de la herencia sobre l’ambientalismu, y ye que yá puestos ¿por qué nun implantar la pena de muerte?¿Por qué nun clasificar a les persones nel momentu del nacimientu?
En too casu, que de claro qu’una cosa ye a reflexón razonada, y otra diferente son les actitudes provinientes de les emociones, y ye que’l colectivu igual tien el deber d’alministrar consecuencies razonaes, pero l’individuu emocionalmente afectáu ye más fácil que quiera venganza.
noche-suicida

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>