El castiellu de naipes, esa construcción fecha ensin argamasa nenguna y como lladriyos fráxiles cartes de cartón finu, too ello nel más precariu equilibriu. Si yes quien a armalu, poco va durar, que pue tiralu un soplíu, una vibración… y yá nun digamos si se restira ún de los naipes… Guapa metáfora de bien de situaciones de la vida.
Dempués de dar la turra media hora con esi tema l’Anhedónicu Miserable ponse a esbabayar tocantes a les habilidaes comunicatives, y a que de normal nin los emisores quieren ensin más tresmitir una información, nin munchu menos los más de los receptores tienen intención d’escuchala… y d’esto deriva pa escontra’l guapu exemplu d’esti tema al que pudimos asistir estos días colos debates d’investidura de los fartones del congreso.
Acaba con un reflexón tocantes a la última edición del programa de Radio QK Anábasis, supuestu programa d’historia dedicáu al desastre de Siria, dalgo que podría pasar equí mañana mesmo.

4740c761c9566deff750a6b1cb6f9bdf

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>