Al Anhedónicu Miserable dicen-y que tien muncha parsimonia, de fechu él mesmu considerase parsimoniosu, porque ye que a los más paez-yos un términu despectivu, pa denomar la vagancia y el pasotismu, pero él ye más de pensar que facer les coses con parsimonia ya faceles con “sedam et tranquilitas”, qu’acelerase nun ye bueno.
De fechu hubo hai tiempu un paisanu mui llistu, que formuló un principiu científicu básicu, nel qu’afirmaba que d’ente toes les desplicaciones posibles pa un fenómenu, la más simple seya probablemente la más verdadera. Como’l paisanu esti llamábase Guillermo d’Occam, otra xente que vino dempués llamó al principiu esi “Navaya d’Occam”, pero al Anhedónicu presta-y más el nome más vieyu de “lex parsimoniae” o “principiu de parsimonia”.
Tamién aprovecha un poco pa meter coses que si d’anarquismu, individualismu y eses gaites coles que lleva tanto dando la vara.

PD: Por ciertu, pa variar el Anhedónicu mete la pata, y anque nel audiu diz que nel sarao aquel definiose cola palabra “perseverancia”, obviamente fue con “parsimonia”

ockam
.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>