392 Anhedonia. De Prohibiciones y eses Coses 28/03/2019

L’estudiu de la QK güel esta nueche a tabaco, y ye que fumar nella, si bien ye una cosa que nun debiere facese nesi sitiu, prohibíu nun ta, y l’Anhedónicu Miserable ta dalcuerdu dafechu con ello, anque nun-y guste fumar nin el golor a tabaco, pero ye que ta convencíu de que prohibir nun val pa nada más que pa se dexe de facer una cosa por miéu al castigu, si’l castigu desapaez, la conducta vuelve.
Con too hai persones asgaya que quieren más non tener que razonar y tomar decisiones, quieren más que seyan otros los que decida que ye lo que se permite o se prohibe facer, y mesmo piden a l’estáu que s’encargue de prohibir coses (anque al mesmu tiempu-y pidan que llegalice otres que tien prohibíes yá).

e48c2e60b171d38f15d57743e01da33d
.

390 Anhedonia. De Ci Fis Pelis y Llibros 14/03/2019

El Anhedónicu Miserable arranca y termina, como nun podía ser d’otra manera, con tremendes pifies, y ye que ye lo que tien querer facer más muncho y mal que poco y bien.
Dempués d’un buen pedazu d’espotriques varios, ponse por fin a falar de lo que ye el tema de la nueche: el cine y la lliteratura, concretamente del xéneru de ciencia ficción y distopía, que yá sabéis que ye lo que más-y presta.
La cosa ye qu’esos días taben poniendo n’Uviéu y de papu unes cuantes pelis del xéneru y eso sirvió-y pa volver a ver unes poques d’elles y pa reflexonar tamién tocante a obres lliteraries, concretamente la historia que cuenta “Farenheit 451″ porque ¿qué llibru aprenderíeis de memoria pa salvar de la quema?

images
.