Manifestacion

La Plataforma contra la Represión informa sobre una concentración antifacista esti sábadu 16

La Plataforma contra la Represión y poles Llibertaes quier anunciar la celebración d’una concentración ciudadana na Plaza del Parchis de Xixón el sábadu 16 a les 19.15 hores.

Nel marcu d’unes Xornaes d’Hestoria Militar, que nun principiu nun tienen nengún conteníu políticu, esti sábadu a les 19.00 hores nel Centru Cultural Antiguu Institutu, se va pronunciar una conferencia que lleva por titulu “Krasny-Bor, la última gran batalla de la historia militar española”. En Krasny-Bor producióse un enfrentamientu a lo llargo de la II Guerra Mundial nel que participó la 250ª División de Voluntarios Españoles de la Wehrmacht, más conocida como la División Azul. Y si se fuera a tratar d’una conferencia científica al cargu de una persona non venceyada a círculos neo-nazis nun sería más qu’una actividá cultural neutra y nun esistiría motivu pa nenguna denuncia.

Pero por desgracia na estrema derecha yá ye una práctica común l’usu de charres de supuestu calter hestóricu y/o cultural como cobertoria pal espardimientu de discursos fascistes, racistes y/o negacionistes del holocaustu. El ponente encargáu d’esta conferencia, Carlos Caballero Jurado, ye un escritor conocíu pola so vinculación a ámbitos ultraderechistes qu’inclusive tien un llibru publicáu con Ediciones Nueva República, editorial d’enclinos nacional-socialistes. Igualmente dellos grupúsculos del fascismu llocal yá tán convocando a los sos siguidores y anunciando esta conferencia como un actu d’alcordanza y homenaxe a los “españoles caídos en la lucha por defender a Europa del comunismo y del sionismo”.

Polo tanto consideramos conveniente y oportuna la celebración d’esta concentración cívica pa denunciar tanto la presencia de fascistes nos espacios culturales del Ayuntamientu, como l’actividá violenta que grupos nazis vienen desendolcando na ciudá.

Igualmente consideramos escandalosu, asina como especialmente esmolecedor en rellación a los nuevos tiempos que vienen, que se dexe a individuos d’ideoloxía fascista poder realizar actividaes (como ye’l casu d’esta conferencia) nel marcu de les instituciones públiques mientres que’l Gobiernu municipal utiliza al cuerpu de policía llocal a manera de somaten fascista pa reprimir, escorrer y detener a trabayadores (como asocedió na última Fuelga Xeneral).

 

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>