El 15M Asturies convoca a la ciudadanía a manifestase en Xixón el 18 de Marzu a les 17.00h na Plaza l’Humedal.

Los últimos acontecimientos (reforma llaboral, privatizaciones n’educación y sanidá, represión a los estudiantes) que preceden anuncios de más duros y severos retayos, pónennos na disyuntiva de convocar a la población a manifestase pa espresar la so indignación, y de dalguna manera, articular una rempuesta multitudinaria contra estos ataques del CAPITAL cobixáu baxo una clase política rendía al so interés.

El 15M Asturies fae un llamáu tamién a los colectivos y movimientos sociales (nun inclúi a les estructures partidistes y a les cúpules de los sindicatos “mayoritarios”) y a tola población en xeneral, a sofitar y asistir a esta manifestación, faciendo visibles les lluches que lleven a cau nos sos respectivos ámbitos d’actuación, mediante les pancartas y materiales informativos que consideren oportuno. Una de les pretensiones de la movilización del día 18 ye precisamente amosar que’l nuesu enemigu común (los MERCAOS) s’espresa y nos esplota en munchos ámbitos de la nuesa vida cotidiana.

Queremos incidir en particular nesti llamáu a los colectivos de desempleaos, precarios, trabayadores y estudiantes cuya situación anguañu ye más delicada si cabe que’l restu de nosotres. Por embargu, toes d’una manera u otra venimos siendo oxetu de los repetíos ataques d’unos mercados cuyu único fin ye l’apoderamientu de tolos resortes de la sociedá pal so propiu enriquecimientu y esclusivu interés.

Ye evidente que la nuesa realidá oxetiva empeoró de manera esponencial d’un tiempu p’acá, reflexándose na nuesa cotidianidá con pérdida de drechos, llibertaees, poder adquisitivu, etc.

Por si esto fuere poco, como demostración palpable del desinterés de la clas política poles necesidaes de la ciudadanía a la que dicen representar, impónennos una convocatoria anticipada d’elleiciones n’Asturies, que va suponer más austeridá y sacrificiu nel gastu públicu, pa la mayoría de la ciudadanía, dáu’l despilfarru de dellos millones d’euros que implica llevar a cau dicha convocatoria ellectoral, cuyu resultáu ye intrescendente, yá que los únicos y auténticos vencedores d’estes ellecciones van ser, una vegada más, los MERCAOS.

18/03/12. ASTURIES TOMA LA CAI. XUNTES Y XUNTOS PODEMOS

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>