pase de video copia

Ye sabiu que la xente de AGEDI – AIE quieren afadiamos el 30 aniversariu mas nos continuamos faciendo coses pa cellebralu y recordai a tol mundiu qu’esta radio piquiñina lleva 30 años al serviciu la xente. Ayeri foi el díi de la LLIBERTÁ DE ESPRESIÓN y dende estos medios comunitarios ( que son de toos y toes) podemos afirmar que foi el díi d’algo que nun esiste y onde entovia pue quedar daque tan faciendo tolo que-yos dexemos por finalu. La necesidá d’esti tipo medios ye ca vegá más grande por dos motivos.

Por un llau les grandes coorporaciones dela información tienen intención de colonizalo too col su discursu únicu, a mas de tener a la xente trabayando como esclavos.

Pol otru tamos viviendo un momentu onde nun mos queda otra que rebelamos escontra tolo que mos esta pasando, paezmos que lo que mos quiten nun tien pinta volver, y este tipo  medios puen ser y son el voceru d’esta revuelta amas d’espacios onde se pueden texer un discursu propiu, una esperiencia de autoxestión y una vivencia d’algo no que nos facemos munchu enfotu que ye la Llibertá.

Pa nos el fundamentu de eso que nomamos lliberta, qu’una vegá que lu preves ya nun yes quien a escaezer el tastu, ye la disciplina,  el reconocimientu y el respetu a l’otru. Nos tamos por esparcela y entendemos lo que facemos solo como un entamu.

Esta radio piquiñina lleva 30 años faciendo realidá ca díi ( con lluces y solombres) coses que fae un tiempu paecien coses de llocos, gracies a los caberos movimientos que surdieron alredeor del 15M la cosa paezmos que ta mudando, como ye gastar perres y tiempu en poner a furrular una radio que nun ye de nadie, mas ye de toos, y toos podamos espresamos nella y amas seya un medio pa que la xente entame a conocese, a comunicase y lo más importante a trabayar en comuña que ye daqué que nun mos enseñen na su escuela. Pa nos la Lliberta ta enantes de la propiedá.

Por eso esti añu pa cellebralu tamos faciendo delles coses, tamos preparando algún conciertu, tan escribiendo un llibru pa cuntalo, y gracies a la collaboración con otru espaciu que mos gusta muncho como ye L’arcu la vieya esti vienres 10 de Mayu vamos cellebrar una actividá que ta dividia en dos:

  1. Entamaremos a les 20:30 poniendovos  “Radios libres, las voces de la gente”, que ye un documental que trata  la hestoria y el furrular de les radios llibres pel estau .
  2. Pa dempúes tenemos una cena en comuña onde ca un aportara lo que-y pete y charrar más distendio

¡Tais toos y toes convidaes!

Si puedes venir, ven; si non, difunde.
RadioQk, 107.3 FM Uviéu o www.radioqk.org

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>