fala

Los alderiques d´Asturies:

Un nuevu programa d’Alderiques d’Asturies áu falamos de ciclismu asturianu con cuatro convidaos/es de lluxu:

-Lucía González, corredora de carretera y ciclocross, campeona d’España na temporada 2012/2013 na modalidá de ciclocross.

-Xurde Llano, ex-ciclista na categoría élite y collaborador cola base nel C.C. Cualloto d’Uviéu.

-Rocio Gamonal, corredora de ciclocross, varies ocasiones campeona d’España nesta modalidá.

-Miguel Fernandi, redautor de deportes na RPA (Radio Autonómica d’Asturies)

Alderiques d’Asturies son programes televisivos que ñacen col envís de poner enriba la mesa un asuntu del que charraremos fonderamente con dellos convidaos/es col oxetivu sentir estremaes opiniones alrodiu’l mesmu amás d’entrevistes personalizaes con persones célebres del nuesu país o xente d’otros llugares acullá les nueses llendes que mos visite. Tou ello falando n’asturianu.

Iniciativa pol asturianu:

Siguimos con más convidaos n’Iniciativa pol Asturianu nes Ondes y güei ta con nós nes nueses ondes, María Esther García López, una muyer que fai un garrapiellu coses y cola que mos presta charrar al traviés de la llínea telefónica.

Esther García ye poeta y escritora célebre n’asturianu y castellán, tanto pol númberu de títulos publicaos como pola calidá de la so obra. Ye llicenciada en pedagoxía, mayestra, esperta en Filoloxía Asturiana y miembru correspondiente de l’Academia de la Llingua Asturiana. Tien espublizaos dellos títulos de didáutica ya investigación histórica y etnográfica, y ye autora de llibros de testu pal enseñu del asturianu n’Educación Primaria y Secundaria. Amás de tou ello ye conceyala de cultura en Castrillón.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>