Vamos tratar nestes xornaes de temes escaecíos munches vegaes, inclusive por aquelles persones que nos consideramos “comprometíes”. Otres vegaes conocemos la teoría pero fállanos la práutica. L’oxetivu d’estos dos díes ye faer un esfuerzu por pensar o repensar cuestiones bien importantes que dexamos davezu nun segundu planu, replanteganos actitúes que tenemos na nuesa vida diaria. Abrir l’alderique y tamién por qué non, pasalo bien y romper tabúes.

 

Xueves 20 d’ochobre 

 

19:00h Taller: Violencies de tolos díes nos nuesos espacios

Ente les abondes formes de violencia qu’encaramos de contino hai delles muncho menos esplícites que-mos avezamos a asumir. Son situaciones, actitúes y formes d’intervención cotanes que poques vegaes paramos a analizar con aselu, a modu. Nesti taller trataremos de faer visibles eses “pequenes violencies” y aldericar sobre elles, col envís de qu’esapaezan de los nuesos espacios.

 

Sábadu 22 d’ochobre

 

11:00h Charra: Homosesualidá, historia d’un secretu

Maruxos, homosesuales, invertíes, sodomites…

¿Qué somos y qué ye lo que mos pasa?

Esta charra fai un percorríu per desemeyaes tribes que la sociedá occidental atopó pa encaxar los nuesos rixos y que perviven como un amiestu alloriau de pallabres na nuesa cultura. “Quien conoz el so camín sabe pa ónde nun paga la pena volver.”

 

13:30h Xinta erótica-afrodisíaca

Igua la to receta y compártela con nós.

 

16:30h Taller: Creando y recreándonos na nuesa erótica

Taller que va a la busca d’afayanos, pa poder falar y cavilgar sobre pruyíos, querencies, rellaciones, alcuentros y un llargu etcétera a la escontra la recuperación d’un importante requexu más de la nuesa vida, robáu en munches ocasiones por manes ayenes: normativización nos medios de comunicación; valores impuestos pola moral, la relixón, la melecina; actitúes asumíes a lo fato como lliberadores, etc.

 

19:30h Proyección de documental y alderique. “Esclavos nel paraísu. La comuña de Friedrichshof”

Historia d’una comuña hipi n’Austria. Demientres más d’una década de vida y tomando la sesualidá “llibre” comu bandera, créanse xerarquíes de poder dende l’entamu; esto ye solo l’aniciu del fin de los sos bondosos suaños de llibertá.

Acabante les xornaes rifaráse un paquete sorpresa.

Toles actividaes van tener llugar en Cambalache

 

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>